National News

‘കോവിഡിനെ രാഷ്ട്രീയപരമായി ഉപയോഗിക്കുന്നു’ ; മോദിയുമായുള്ള ചര്‍ച്ചയില്‍ മമത തുറന്നടിച്ചു

ന്യൂഡല്‍ഹി : പ്രധാനമന്ത്രി നരേന്ദ്ര മോദി കോവിഡ് പ്രതിരോധത്തിന്റെ ഭാഗമായി ഉള്ള മൂന്നാം ഘട്ട ലോക്ക്ഡൗണ്‍ അവസാന ആഴ്ച്ചയിലേക്ക് പ്രവേശിച്ച സാഹചര്യത്തില്‍ മുഖ്യമന്ത്രിമാരുമായി വീഡിയോ ചര്‍ച്ച നടത്തി. അദ്ദേഹം ലോക്ക്ഡൗണില്‍ ഘട്ടം ഘട്ടമായി ഇളവു വരുത്തുന്നതിനെ കുറിച്ച് ചര്‍ച്ച ചെയ്തു. സൂചനകള്‍ അനുസരിച്ച് 17നു ശേഷം പൂര്‍ണ്ണമായി തുറക്കാവുന്ന മേഖലകള്‍, സാമ്പത്തിക സ്ഥിതി മെച്ചപ്പെടുത്താനുള്ള നടപടികള്‍ തുടങ്ങിയവ ചര്‍ച്ചയായി. കൊറോണ രാജ്യത്തെ ബാധിച്ചതിനു ശേഷം മുഖ്യമന്ത്രിമാരുമായി മോദി നടത്തുന്ന അഞ്ചാമത്തെ ചര്‍ച്ചയാണ് ഇത്.

ബംഗാള്‍ മുഖ്യമന്ത്രി മമത ബാനര്‍ജി കോവിഡിനെ കേന്ദ്ര സര്‍ക്കാര്‍ രാഷ്ട്രീയമായി ഉപയോഗിക്കുകയാണെന്ന് വിമര്‍ശിച്ചു. ഇന്നത്തെ യോഗത്തിന്റെ പ്രത്യേകത നേരത്തേതില്‍ നിന്ന് വ്യത്യസ്തമായി എല്ലാ സംസ്ഥാനങ്ങളിലെയും മുഖ്യമന്ത്രിമാര്‍ക്ക് സംസാരിക്കാന്‍ അവസരം ഉണ്ടായിരുന്നു എന്നതാണ്. പ്രധാന വിഷയമായി വിവിധ സംസ്ഥാനങ്ങളില്‍ കുടുങ്ങിപ്പോയ അതിഥി തൊഴിലാളികളെയും മറ്റുള്ളവരെയും അവരുടെ നാട്ടിലേക്ക് തിരിച്ച് എത്തിക്കുന്നത് ഉന്നയിക്കപ്പെട്ടു. സംസ്ഥാനങ്ങള്‍ ലോക്ക്ഡൗണ്‍ അവസാനിക്കും മുമ്പ് തന്നെ സാമ്പത്തിക മേഖല പുനരുജ്ജീവിപ്പിക്കാനുള്ള ശ്രമങ്ങള്‍ ആരംഭിക്കണമെന്ന് കേന്ദ്രത്തോട് ആവശ്യപ്പെട്ടു.

വിവിധ സംസ്ഥാനങ്ങള്‍ തകര്‍ച്ചയിലായ സമ്പദ് വ്യവസ്ഥ പുനരുദ്ധരിക്കാന്‍ സാമ്പത്തിക പാക്കേജ് വേണമെന്നും ചൂണ്ടിക്കാട്ടി. മുഖ്യമന്ത്രിമാര്‍ ലോക്ക്ഡൗണ്‍ അവസാനിക്കാന്‍ ഏതാനും ദിവസങ്ങള്‍ മാത്രം ബാക്കി ഉള്ളപ്പോള്‍ അസുഖ ബാധിതരുടെയും മരിക്കുന്നവരുടെയും എണ്ണം ഉയരുന്നതില്‍ ആശങ്ക രേഖപ്പെടുത്തി. നാളെ മുതല്‍ ഭാഗികമായി ആരംഭിക്കാന്‍ പോകുന്ന ട്രെയിന്‍ സര്‍വ്വീസ് കാരണം ഉണ്ടാകാന്‍ പോകുന്ന പ്രതിസന്ധിയും ഉന്നയിക്കപ്പെട്ടു. ക്യാബിനറ്റ് സെക്രട്ടറി രാജീവ് ഗൗബയുമായുള്ള ചര്‍ച്ചയില്‍ സംസ്ഥാന ചീഫ് സെക്രട്ടറിമാര്‍ ലോക്ക്ഡൗണില്‍ ഇളവുകള്‍ വരുത്തണമെന്നും ഇതു സംബന്ധിച്ചുള്ള മാര്‍ഗ്ഗനിര്‍ദ്ദേശങ്ങള്‍ക്ക് വ്യക്തത വേണമെന്നും ആവശ്യപ്പെട്ടിരുന്നു.

Click to comment

You must be logged in to post a comment Login

Leave a Reply

Most Popular

To Top