ജയറാം മണിരത്നം ഒരുക്കുന്ന ‘പൊന്നിയിന്‍ സെല്‍വന്‍’ ഇന്ത്യയില്‍ ഇറങ്ങിയതില്‍ വെച്ച് ഏറ്റവും വലിയ സിനിമയാകുമെന്ന് പ്രസ്താവിച്ചു. ചിത്രത്തില്‍ ജയറാം അവതരിപ്പിക്കുന്നത് അശ്വകാര്‍ഡിയന്‍ നമ്ബി എന്ന കഥാപാത്രത്തെയാണ്. താരം ചിത്രം രണ്ട് ഭാഗങ്ങളായി ആയിരിക്കും പുറത്തിറങ്ങുക എന്നും വ്യക്തമാക്കി.
ജയറാമിന്റെ വാക്കുകളിലേക്ക്,
‘എന്റെ തല മൊട്ടയടിയ്ക്കാന്‍ പ്രധാന കാരണം ഞാന്‍ മണിരത്നത്തിനൊപ്പം ഒരു സിനിമ ചെയ്യുന്നു എന്നതായിരുന്നു. അശ്വര്‍കാഡിയന്‍ നമ്ബി എന്ന പ്രധാന കഥാപാത്രങ്ങളില്‍ ഒന്നാണ് ഞാന്‍ അവതരിപ്പിക്കുന്നത്.
ഇത് ഒരു വലിയ പ്രോജക്റ്റാണ്. ‘മഹാഭാരതം’ പോലെ ഒരുപാട് കഥാപാത്രങ്ങളും യുദ്ധരംഗങ്ങളും ഉള്ള സിനിമയാണ്. ഇന്ത്യയില്‍ ഇറങ്ങിയതില്‍ വെച്ച് ഏറ്റവും വലിയ സിനിമയായിരിക്കും ഇത്. രണ്ട് ഭാഗങ്ങളില്‍ ആയിട്ട് ആയിരിക്കും ചിത്രം പുറത്ത് ഇറങ്ങുക. പക്ഷെ ഇപ്പോഴത്തെ സാഹചര്യത്തില്‍ ചിത്രത്തിന്റേ ഷൂട്ടിങ്ങ് ആരംഭിക്കുന്നതില്‍ ആശങ്കയുണ്ട്.’
കഴിഞ്ഞ ദിവസം ജയറാം ആദ്യമായി സംസ്കൃത ഭാഷയില്‍ അഭിനയിക്കുന്ന ‘നമോ’ എന്ന ചിത്രത്തിലെ ഗാനം റിലീസ് ആയിരുന്നു.
‘പൊന്നിയിന്‍ സെല്‍വന്‍’ വിക്രം, കാര്‍ത്തി, ജയം രവി, ഐശ്വര്യ റായ്, തൃഷ, അദിതി റാവു ഹൈദരി, ശോഭിത ധുലിപാല, ജയറാം, പ്രഭു, ശരത്കുമാര്‍, ലാല്‍ റഹ്മാന്‍ തുടങ്ങി ഒരു വലിയ താരനിര തന്നെ അണിനിരക്കുന്ന ചിത്രമാണ്. ഈ സിനിമ കല്‍ക്കി കൃഷ്ണമൂര്‍ത്തി രചിച്ച ചരിത്ര നോവലിനെ അടിസ്ഥാനമാക്കിയാണ്. ‘പൊന്നിയിന്‍ സെല്‍വന്‍’ ചോള സാമ്രാജ്യത്തിലെ ഏറ്റവും കരുത്തനായ ചക്രവര്‍ത്തി രാജരാജ ചോളന്റെ ചരിത്രം അടിസ്ഥാനമാക്കി രചിച്ച കൃതിയാണ്.
